陈家乐内地拍戏冇啖好食返港四出觅食
艺人陈家乐早前折返内地佛山拍戏，逗留约两个月，通告密集搞到“冇啖好食”，近日返港感觉如“放监”，四出觅食，他更于社交网上载“食相”，只见他相当滋味，样子搞笑！
他坦言：“两个月以嚟，差唔到都系喺剧组食饭盒，返到嚟公司同事，甚至屋企楼下嘅看更姐姐都话我瘦咗好多，旧年积极操肌好似已经打回原型咁，所以我好想食好啲同食饱啲。”谈到日前座驾死火出动拖车，家乐解释：“因为我架系电车嚟嘅，返嚟好想游车河，点知佢就唔听话。拖咗去叉电后，呢两日已经可以攞返，终于可以‘人车合一’嘞，希望佢以后乖乖哋啦。”
身为工作狂的他，虽然攰爆返港，但表示只需休息三日叉电：“够㗎嘞，唔想躲懒个身，其实工作愈多愈好，希望虎年有更好嘅发展啦。”
