陶大宇加持！薛家燕与《爱．回家》唱好新年
艺人陶大宇翻唱《倒转地球》红遍内地和香港，其独特唱腔及自创水拨手势，令人印象难忘！无綫近日特别找人把该曲重新填上贺年词，改成贺年歌《今年好笑口》，并邀得笑口常开的薛家燕，率领林淑敏、许家杰、郑世豪、谭嘉仪、郑俊弘、滕丽名、吕慧仪、戴祖仪等大堆头艺人参与。
日前，家燕拉大队到沙田拍MV，还邀得麦秋成排舞，家燕表示：“大家都知呢排大宇嘅《倒转地球》好hit，我哋唱呢首歌因为个节奏好轻快、开心，歌词全部都系讲恭贺新禧，疫情之下都希望大家开开心心。今次拍MV有十几个艺人参与，同我一组系《爱．回家之开心速递》嘅林淑敏、许家杰同郑世豪，第一次合作大家几合拍，几个钟头就拍晒。”
对于今次重返旧地拍MV，家燕坦言满满回忆：“50年前我喺呢度拍电影，见到佢哋啲墙贴住我当时拍电影啲相，嗰时得十几岁，我同曾江、胡枫喺呢度拍咗唔少青春电影、歌舞片，拍完都系留喺嗰度食乳鸽，嗰时都好多人嚟食嘢同影相，当一个影星嘅追踪点，今次嚟到，老板娘特别嚟招呼我哋，整咗佢哋最出名嘅烧乳鸽，又煲粥畀我哋，仲特别攞咗瑞士好靓嘅植物畀我返屋企种，好似香薰咁，又可以做肥皂，好有心。”而林淑敏则笑指一直渴望与家燕同台唱歌，没想过今次愿望成真：“希望疫情快啲过去，大家可以一齐再热热闹闹、开开心心。”许家杰就表示：“最紧要身体健康！希望可以同家燕一齐跳十字步！”
