爱情改变性格 陈炜爆未婚夫冲破心理关口唱歌求婚
艺人陈炜日前为娱乐新闻台拍摄贺年节目接受主播许文轩访问，陈炜表示母亲属北方人，以往年三十晚也会包水饺：“过年一定食得丰富啲，不过人愈大愈想过得简单，之前都有好多人想试我手势，试过亲手煮鲍鱼、花胶、鹅掌，将‘炜哥的味道’送去朋友屋企，大家都好开心。”
谈到与男友的婚礼进度时，陈炜表示一切交由好朋友兼设计师何国钲负责：“我哋嘅感情好似两兄妹，佢拍心口话要帮手，依家疫情严重，唔知到时点，见步行步。”对于男朋友她有赞冇弹：“以前请朋友返屋企，屋企啲猫会立即匿埋，但我第一次邀请男友到我家时，佢哋好乖，仲帮我招呼男友，我觉得呢个系奇妙嘅缘分。佢冇养过小动物，本身仲对猫毛敏感，但佢宁愿自己痕，都帮我照顾佢哋同喂佢哋食嘢，佢仲成日喂，搞到佢哋好肥。”
问到男友为她做过最惊喜的事？她表示：“求婚真系令到我好惊喜，本身佢性格系多过四个人以上嘅聚会佢就会哑咗，佢个人比较锺意聆听，估唔到佢叫晒我啲朋友嚟见证求婚，仲要唱歌，佢真系鼓起好大勇气，令我好感动。”
至于虎年愿望，她感激未来老公给她很大自由度及支持她继续工作﹕“我希望可以做多啲唔同类型嘅角色，希望有多啲变化畀大家睇，特别对人物传记角色好有兴趣。”
