家法伺候！陈展鹏同阿女藤条“开年”
视帝陈展鹏与太太单文柔育有一女“小猪比”，早前有指单文柔“孕味浓”疑再度肚凸凸，为陈家再添新成员，虽然二人未有宣布好消息，不过趁住初三赤口，佢哋成家就齐齐上咗影楼影靓相，当中陈展鹏就晒出手执藤条想同小猪比“开年”嘅合照，仲留言：“听讲帮小朋友开个年，自然就会听话啲。”不过大家睇到唔使担心，见相中陈展鹏微笑望实个女，明显佢只系为配合气氛而扮嘢，影辑温馨又搞笑嘅家庭照。
单文柔则着上旗袍上阵，不过佢就几乎张张相都遮肚，除咗用手上嘅挥春挡住，一时就用藤条遮，一时又企喺阿女身段遮，不过都依然睇得出佢腰间有肉，唔知系咪真系有喜事不过未公布得住呢？对于被指疯狂遮肚，单文柔接受东网访问时否认怀孕，并笑说：“啲相系角度问题，放心，如果有好消息，我一定会同大家讲嘅。”
