戴祖仪虎年犯太岁 做乜都黑到痹
艺人戴祖仪（Joey）今午（3日）出席TVB剧《青春不要脸》宣传活动。剧集踏入结局周，她坦言感到不舍：“好开心外界反应好好，仲不时收到剧迷私讯同我讨论剧情，有人话对我改观，咁的而且确今次演出系有突破嘅，包括畀人质食嘢、被掴及裸露戏份。”
她表示好奇观众原先对自己的印象，但不敢细问，怕答案令她伤心。身边朋友则分析可能演戏令她展现了温文的一面。谈到新年假期，祖仪笑说：“食足5日盆菜同边炉，食到自己都怕晒，而且肥咗好多，今日起只可以食鸡胸。之前脚伤仲未好番，都冇得做运动减磅，只可以放任体重。（踏入虎年冇咁黑？）今年我都犯太岁，早几日倒数仲唔记得咗脚伤，睇到忘形跳高，过年前又跌亲，唔紧要啦，可能因为咁收视会好，嚟紧我都会择吉日去摄太岁。”
