苦等2年冇“嫁期”！姜丽文自爆为婚礼延期感焦虑
艺人姜丽文（Lesley）与圈外男友柏豪原定于2020年2月2日举行婚礼，但因疫情令计划中止，至今尚未正式出嫁，就连原本比佢迟举行婚礼嘅旧爱郑俊弘（Fred），都“反超前”成功补办婚宴，但Lesley仍未有“嫁期”。
昨日（2日）就系佢原定嘅结婚两周年纪念日，佢喺社交网大晒婚纱旧照作纪念，佢坦言现时若被问到几时先正式出嫁，会感到相当焦虑，但每当有情绪困扰时，就会提醒自己能够与心仪嘅对象订婚、生活、共创美好嘅家，其实已经好幸福，最后佢亦不忘向“未婚夫”大讲“我爱你”，并指希望能早日正式拉埋天窗。
