原来收埋个小鲜肉 姚乐怡24岁细佬撞样王浩信
“七魔女”成员之一、48岁嘅姚乐怡被发现私藏小鲜肉！原来系佢日前拍片，表示非常挂念依家身处深圳嘅24岁细佬姚日豪，片中见细佬一手抱住只猫，被家姐拍头后即刻嚟个回眸，仲对镜头甜笑，点知就瞬间迷晕一班网民，个个嗌晒救命话畀佢电亲，直指细佬靓仔到似吴尊同王浩信混合体，唔少人更加仲提议姚乐怡快啲帮手铺路出道。
其实姚乐怡一直都有晒弟弟嘅成长照，细佬去年刚喺英国读完Master，依家就喺深圳任职IT半年，佢英文名叫Yahoo。见Yahoo旧相肤色黑黑实实，鼻高高、身形偏瘦，虽然同家姐年纪相差24岁，但感情深厚，成日全家人Gathering，估唔到一转身就变型男，冧到网民一阵阵。
