黄宗泽狂标眼水急求医 吓到周秀娜傻痴痴
艺人周秀娜（Chrissie）和黄宗泽（Bosco）主演的剧集《叠影追击》昨日（6日）举行开镜拜神，租用市值约半亿的豪宅拍摄，总监制梁家树特意现身主持大局，向台前幕后大派开工利是。据悉，Bosco到场时眼睛已不舒服，坚持上妆后开始狂流眼水，最后撑唔住急往医院求医，身为他剧中女友的Chrissie相当担心：“我见佢块面红晒，眼又擘唔开，好彩佢搵到医生咋，希望佢冇事啦。（佢只眼肿晒喎。）肿咗都咁靓仔，我都仲系咁爱佢！”
Chrissie和Bosco第3度结片缘，今次戏中既是拍档又是情侣。谈到亲热戏，Chrissie表示：“导演点会放过我哋？不过大家太熟，一啲都唔尴尬，佢当我系男人，我当佢系女人咁。（佢系你咀得最多嘅男演员？）一定系，试过要拍咀戏，佢开声话‘唔好喇啩’。”由于近月忙开工，她透露新年3日假，尽量放纵自己：“打咗4日边炉，又通宵打麻雀。（发新年财？）少少啦，旨在同朋友及屋企人聚吓，太耐冇陪佢哋。”
至于戏中扮演Chrissie好友的朱鉴然则表示：“今次演网络黑客。依家心情好紧张，事关听日《家族荣耀》喺香港推出，自己有成5年冇剧出，希望观众支持。拍嘅时候同刘沛蘅（洪卓立绯闻女友）及胡卓希成为咗好朋友，但返到香港少咗联络，唔知前者系咪拍拖。”
