咀完松︱戴祖仪落闸唔要丁子朗
戴祖仪、古天祥、伍富桥今日（9日）在将军澳电视城出席节目《不可能任务》宣传，期间在隔离厂开工的丁子朗前来八卦一番，戴祖仪被问到丁子朗是否来探她班？她说：“唔系，佢唔知我喺度，佢嚟探嘉乐哥，因为呢个节目佢都有面试，但系太忙所以做唔到。（好清楚佢嘅行踪？）系呀，我哋对咗几个月。（咀出真感情？）我哋嘅真感情已经完结，依家系冇感情。（咁快落闸？）系呀，公私分明，我锺意哥哥，好似嘉乐哥、安迪哥呢啲就好有男人味。”
讲到有指她有份投资的NFT大赚500万？她说：“我都想有咁多，因为未计数，所以未知赚几多，希望有6位数字，但系都会投资番落去。”
伍富桥近日在社交网“放闪”公开新恋情，他说：“佢系圈外人，系识咗好耐嘅朋友，拍咗拖半年，感情好稳定，大家都好认真，会向住结婚呢个目标发展。（几时求婚？）求婚佢应承嘅话，再同大家讲。（情人节求婚？）呢个提议几好，成功嘅话再话畀大家知。”
