结婚21周年 张智霖着情侣装冧揽靓靓放闪
艺人张智霖同太太袁咏仪（靓靓）唔经唔觉已经结婚21年，二人2001年拉埋天窗，至今都系圈中出名嘅模范夫妻，佢两个寻日（8日）就分别喺社交网晒出合照，原来佢两个同埋好友、歌手蔡一智夫妇一齐过，仲获对方请食Lunch添，认真有心。不过大家嘅焦点，当然落喺两位主角身上，见到张智霖着晒情侣装咁同靓靓肩并肩坐，即被网友大赞愈嚟愈有夫妻相，佢仲出手冧揽老婆放闪，并留言：“21周年快乐！谢谢蔡一智、雪芳蔡美味的午餐，及好友瑶瑶的蛋糕，感恩！❤️ ”今次佢咁识做，睇嚟靓靓都唔会再弹佢唔识浪漫喇挂。
