李佳芯陈年学生相流出 四眼妹变视后校友唔认得
艺人李佳芯（Ali）早前绯闻缠身，依家总算系淡咗落嚟，估唔到一转头佢又喺网上有新Talking Point，原来系有同学仔喺佢母校柴湾海星小学嘅专页晒出一张陈年学生相，当中就见到一位身形瘦削嘅四眼学生妹，拎住个摇鼓同班同学大合奏，初时位网友就叫大家估吓佢系边个，之后就有多位网友都走出嚟话原来真系李佳芯！
其校友就话佢系1995年6C班毕业，大赞佢系风纪队长，话当年佢已经好靓同高挑，真名仲叫“李嘉馨”添，反而系专页Admin就被呢个消息吓亲，话自己一时间认唔出系女神！
