同张慧仪讲旧事！陈彦行爆着泳衣唔识摆甫士被照肺
由张慧仪及廖子妤主持的香港开电视节目《晒ya马拉moi》，邀来陈彦行（行姐）担任嘉宾。张慧仪除了即席炮制马来西亚菜外，又与行姐谈当年合作的点滴及趣事，原来二人多年前往马来西亚拍摄电影《超级无敌追女仔》时，行姐曾因一辑泳衣照被导演“照肺”：“我首次喺镜头前着泳衣，拍摄时表现尴尬兼生硬，但现场其他人个个都好纯熟，我就唔知摆咩甫士，结果海报出嚟后，导演搵我倾偈，导演话：‘你睇吓佢哋几个啲甫士几自然，你勒得自己太紧喇！’
二人谈减压之道，不约而同表示喜欢吃东西，行姐表示：“辛苦我会即刻买软雪糕食，一食我嘅开心指数就会升番晒，成日生猛番。”张慧仪透露疫情下十分挂念马拉家乡菜：“依家睇电视频观赏家乡菜，‘睇咗当食咗’。”行姐笑说：“我不嬲都唔食榴梿，但有次去云顶登台，做完骚喺庆功宴上，啲人话一定要试食云顶嘅炸榴梿雪糕，于是试食，食落外脆内软，真系食过翻寻味。”
