组Super Tiger惹镜粉不满问候全家 丘梓谦高EQ反击
TVB艺人丘梓谦去年凭处境剧《爱‧回家之开心速递》“葱头”一角人气急升，虽然得到唔少观众喜爱，但亦有网民因质疑其角色影射组合MIRROR人气王姜涛，而对佢作出恶评甚至人身攻击，不过EQ高嘅佢一直默默承受，岂料事隔将近1年。
近日丘梓谦与罗天宇、许俊豪等人组男团Super Tiger被指硬撼MIRROR，却再触动网民神经，再次闹爆丘梓谦，令佢终忍无可忍，于社交网上载与某网民嘅对话截图，该网民连番爆粗：“唔好扮MIRROR啦，X你老母！”、“X头”、“祝你早日冚家X”等，丘梓谦则逐一礼貌回应：“我哋会长命百岁”、“我哋冚家做地产就发啦”，又表示“请尊重别人尊重自己，放心我哋一定会长命百岁，不用担心。”尽显高EQ！
丘梓谦接受东网访问，指今次罕有动怒系因为涉及其家人：“如果话我1个都冇所谓，但话我屋企人就唔太好，虽然阻止唔到，但就当笑料咁睇，之前《爱‧回家》都有好多，我有时都会send畀阿爸阿妈睇一齐笑。”
罗天宇则希望大家理性追星，他谓：“我觉得声音一定有，有好有唔好，我谂佢哋都系想保护自己偶像，而作出一啲评价，但系可以友善少少，以及唔好攻击屋企人，因为我哋入咗行咁耐，好明白机会唔系经常有，所以对每个工作都会尽力去做，希望带到欢乐畀大家，希望大家畀啲空间同畀啲尊重。”
