据香港东网报道：艺人#李日朗#初出道时凭#TVB# 剧集《#四叶草碰上剑尖时#》人气爆灯，及后拍毕《#十兄弟#》后阔别无綫多年，今年初则宣布签约无綫，预告相隔多年再次拍无綫剧集。而近日佢亦终于正式开工，首部“回归作”就系同视帝#黎耀祥#合作《轻‧功》，首日开工嘅佢难免有啲感触，于社交网晒出喺化妆嘅自拍照，并留言指：“15年之后，我回到这个化妆间，感恩。”佢透露重回旧地即重遇老朋友视帝#郭晋安#，又指见到不少《#爱回家之开心速递#》嘅新演员，大赞后辈年轻有活力，又指今次重返无綫并非为钱，主要希望可以得到香港观众支持，但就未知会否与无綫签长约，一切等公司安排。
李日朗对于重返TVB拍剧，笑言：“好开心可以返TVB拍剧，我离开已经有15年，而家再返去，每一处都系一啲熟悉嘅面孔，服装间、化粧间嘅姐姐都会叫我细佬，呢个亦系当年佢哋对我嘅称呼。今次返嚟其实都好紧张，亦好开心有香港TVB一个咁好嘅平台，可以重新出发，畀我爹吔妈咪，曾经喜欢过我嘅观众，都可以睇到我嘅作品，我会好努力咁做好每一个工作，亦希望各位监制、节目制作组嘅大哥大姐，都可以畀机会我。”
四叶草碰上剑尖时
