回巢即拍住视帝黎耀祥！李日朗相隔15年再返TVB开新剧
艺人李日朗初出道时凭TVB剧集《四叶草碰上剑尖时》人气爆灯，及后拍毕《十兄弟》后阔别无綫多年，今年初则宣布签约TVB，预告相隔多年再次拍TVB剧集。而近日佢亦终于正式开工，首部“回归作”就系同视帝黎耀祥合作《轻‧功》，首日开工嘅佢难免有啲感触。
他在社交网晒出喺化妆嘅自拍照，并留言指：“15年之后，我回到这个化妆间，感恩。”佢透露重回旧地即重遇老朋友视帝郭晋安，又指见到不少《爱‧回家之开心速递》嘅新演员，大赞后辈年轻有活力，又指今次重返TVB并非为钱，主要希望可以得到香港观众支持，但就未知会否与TVB签长约，一切等公司安排。
李日朗对于重返TVB拍剧，笑言：“好开心可以返TVB拍剧，我离开已经有15年，而家再返去，每一处都系一啲熟悉嘅面孔，服装间、化粧间嘅姐姐都会叫我细佬，呢个亦系当年佢哋对我嘅称呼。今次返嚟其实都好紧张，亦好开心有香港TVB一个咁好嘅平台，可以重新出发，畀我爹吔妈咪，曾经喜欢过我嘅观众，都可以睇到我嘅作品，我会好努力咁做好每一个工作，亦希望各位监制、节目制作组嘅大哥大姐，都可以畀机会我。”
