禁聚令加辣冇得见 胡定欣黄智雯返公司Meet
面对第五波疫情肆虐，港府收紧一系列防疫措施，包括收紧至2人禁聚令、加设禁止跨家庭聚集等，影响之大，就连视后胡定欣都深有体会。平时同开“胡说八道会”见面嘅佢，因为禁聚令及跨家庭聚集条例所限，好姊妹冇得成班见面，个个都系大忙人时间一啲都唔好就，估唔到胡定欣同黄智雯咁耐冇见面，佢两个只可以靠平时喺电视城嘅1分钟“Gethering”。
今日（18日）黄智雯就晒出同胡定欣嘅合照，佢两个齐齐嘟嘴神色一致，并留言：“最近总觉得时间不够用，见家人朋友🐶🐶的时间变得很珍贵，那怕只有1分钟在公司相遇…”原来佢两个终于都喺公司撞见，短短1分钟都要捉紧时间影合照，之后佢哋就各有各开工，睇嚟呢个疫情都考验埋姊妹情啵。
