两个检测包结果唔相同 林欣彤疑确诊新冠肺炎
艺人林欣彤今日（19日）于社交网表示自己疑似确诊新冠肺炎，指几日前已经开始有病征，佢就连日试咗坊间撩鼻及脷底方式嘅快速测试包，其中一个测试结果显示为确诊，佢续表示今日会用政府嘅樽仔再去做检测，去确认自己是否已确诊。
林欣彤发文附上两个不同类型快速测试包嘅结果，其中一个显示为确诊，但另一个结果则为未有确诊，因此林欣彤表示唔知自己系唔系肯定已经中招，并表示会新自己最新情况。佢发文又提到自己其实连日用连续几日用撩鼻方式嘅快速测试包，结果均为冇确诊，到咗今日佢有感病征严重咗，即去用另一牌子嘅脷底式快速测试包，点知就见到“两条线”，即为确诊，而佢同住嘅身边人亦同告确诊。
林欣彤续指质疑唔同方法或牌子嘅测试包嘅结果，当中佢用撩鼻方式嘅测试包显示冇确诊，但佢同住嘅身边人用完就显示为确诊，因此佢呼吁大众怀疑自己中招，可尝试用不同方法、牌子嘅测试包去检视结果。
林欣彤就事件回应东网，指自己多日留在家中自我隔离及休息，并已经托人拎政府樽仔再做化验：“前几天觉得喉咙痛及头痛，所以有做快速测试，头几日check了都是未有确诊，直至今日才Check到确诊结果。所以已经搵人帮手拎政府嘅樽仔再做化验。知道医疗系统最近都非常爆满，所以这几天都一直留在家中自我隔离及休息，没有出门或接触其他人。希望大家都保重身体，多谢关心。”
