郑俊弘一击即中话自己劲抽 何雁诗为BB戒酒
艺人郑俊弘（Fred）与太太何雁诗为无綫娱乐新闻台节目《StarTalk》任嘉宾，大谈将为人父母感受。Fred对于“一击即中”笑说：“估唔到自己咁劲，我都吓亲自己！啲人话冇咁容易，我啲朋友同家姐都试咗好几年先有。”二人更特别感谢林盛斌（Bob）介绍陪月员。
何雁诗则表示有妊娠反应：“头三个月腰痛、周身痛，有时仲会无啦啦喊，自己好似拍MV咁望住个窗喊，情绪起伏大，但Fred好好，佢睇好多书，尝试去了解我经历啲乜，慢慢冷静听我讲，所以好多谢佢！依家呢个阶段比较舒服，净系觉得自己好肥！”身旁的Fred即以“完全唔肥”来安慰她。
二人直言为BB有所改变，何雁诗说：“我本身锺意Social同饮番几杯，但为咗BB我决定要戒饮酒，一个饮酒一个食烟完全唔可以，烟就一早戒咗，当我一知道有BB就已经戒饮酒。我仲想戒睇电视同玩手机，同Fred太锺意留喺屋企睇电视，有时可以睇全日，好担心小朋友出咗世冇电视冇电话就唔食饭，所以我哋要以身作则。”
而Fred希望为儿子开设投资户口：“帮佢储定啲钱，读书又好，做乜都好，等佢大个唔使咁彷徨，之前啲利是钱，放去最高风险！”
