张惠雅确诊新冠未知源头 TVB艺人刘颂鹏染疫自嘲变二线
娱乐圈爆疫，歌手张惠雅今日（22日）自爆确诊新冠肺炎，暂居离岛长洲开餐厅嘅佢透露于20日凌晨发病，但由于连日大雨甚少人到访长洲，故佢未有开铺与人接触，目前餐厅会继续停业。佢又交代指基本上平时只会宅在家中，故暂时未知源头，而屋企人都冇感染症状，但家人暂时都会一同留在家中。
佢续指起初未有为意系确诊，只以自己冷病，初时有鼻水、发烧、发冷，随后开始喉咙痛，直至今日回到市区后进行快速检测才发现染疫，佢又笑指当时情况狼狈：“我觉得当时好似一个通缉犯，落雨个头又湿，好猥琐，成件事都好狼狈，我匿埋喺厕所帮自己检测，系咪谂到个画面都觉得好可怜。”并指随即将自己反锁在厕所，当时不知何去何从，一度无助爆喊，幸好家人未有介意畀佢回家先有容身之所，但就强调会自困喺房间直至痊愈为止，又提供近日行程畀大家参考。
另外，TVB艺人“后生仔”刘颂鹏亦自爆染疫，指：“I’m so lucky…第7天了，仍然是2线 positive！希望我快啲变一线啦。中咗唔洗惊，唔中唔好睇轻，人无事先做到世界冠军。”
