谢安琪严寒唔愿郁睇健身旧片缅怀 大派福利为网民增温
艺人张继聪弗到爆，即使冒住严寒，7度低温都坚持跑街操体能，而同样被老公张继聪影响逐渐热爱运动嘅谢安琪（Kay）就冇咁勤力，只能喺寒冷天气中，望住昔日健身时嘅旧片缅怀一番，佢表示：“我承认我系好懒，做运动亦都好渣，但系我真系怀念同师傅喺健身室做重量训练的日子。”
不过此举就间接大派福利，片中见以运动背心装上阵嘅佢虽然背对镜头，但就大露背劲骚白滑玉背，加上佢郁动时微露波边，而最大嘅“彩蛋”，就系从镜中倒映可隐约见到其正面，就算离远都感受到其上围嘅澎湃威力，令一班网民睇到㷫烚烚，笑指几冻都暖番晒！
