曹永廉收入少7成！出走半年北上扑水
艺人曹永廉形容近两年“坐食山崩”，留港几乎零外快，他坦言已决定“抛妻弃子”，北上另谋发展。倘未动身已获邀担任品牌代言人，乐观的他深信天无绝人之路。
本港疫情持续，再加上年前的社会运动影响，令本港不少艺人近4年来收入大受影响。其中曹永廉曾于台庆颁奖礼夺“最佳男配角”，一度成为代言抢手货，但日前他受访时亦无奈自揭：“坦白讲，呢两年除咗拍剧之外，根本冇做过其他嘢。（同高峰期比较，冇咗几多收入？）我谂差唔多少咗7成左右。（点养家？）都系靠以往嘅积蓄，暂时都仲顶到。”
为了不会坐食山崩，加上要为两名年幼子女的未来打算，阿廉狠下心决定“离家出走”，只身北上发展，初步计划先“落户”广州，亦已找当地友人帮手搵屋，预计此行至少逗留数月至半年。
原定计划3月起行的他，奈何碰上第5波疫情来势汹汹，令其有份参演的新剧《破毒强人》拍摄进度受阻，他说：“本来话3月尾可以煞科，依家睇嚟要延后，不过目前唔系你想走就走，广东省嘅隔离酒店同车票都爆晒，订唔到，我当然希望尽早搞掂，可以有新嘅发展。”
乐观面对：搵到啖饭已好好
据悉，阿廉与老友洪天明及唐文龙等在内地一直有投资生意：“我喺内地有两间公司，其中一间系同运动员谢杏芳拍住上，一齐做儿童用品同饮品生意嘅，不过呢两年我都冇乜参与，系时候交番个人上去帮手，起码要见吓客、搵吓商机先得。”
原来阿廉人未到内地，已有品牌力邀他为旗下饮品机担任代言人，他却谦称：“搵到啖饭食已经好好喇，咪博吓啰！虽然依家除咗拍剧冇其他工作，但我都知自己唔算太差，有啲艺人真系坐喺度咋，乐观啲睇我算幸运喇！”
