梅妈登报脱离母子关系 梅启明报警称姪仔背后操纵
已故天后梅艳芳的母亲梅覃美金（梅妈），早前登报跟儿子梅启明脱离母子关系，今日（27日）梅启明会见传媒，他称有人冒充梅妈登报，梅妈对此并不知情：“我早几日问清楚阿妈，佢话唔知登报呢件事。后来我搵阿妈嘅私人助理兼护士郑姑娘问，佢话唔关佢事，后来我逼佢讲，佢话你屋企有几多个人呀，咁我心中有数。”
他续指推断是姪仔梅柏麟所为，他昨晚（26日）已就此事报案，并当众向传媒展示报案纸，扬言一定要追究到底，问他有否跟姪仔对质？他说：“佢同我一齐住，寻晚我问咗佢，佢话要同郑姑娘当面对质。（担唔担心咁做梅妈会伤心，有冇谂过退一步？ ）佢（姪仔）向来唔放我在眼内，个人冇大冇细，我啲仔叫佢都唔睬。（佢对梅妈点？ ）我唔知，佢40几岁人食饭仲要梅妈摵啲鸡肉畀佢食，阿妈当佢仔一样。”又坦言梅妈及姪仔对他报案一事并不知情。
讲到梅妈亲口回覆传媒要登报脱离母子关系，他承认对方的确有说过，但只是老人家一时气话，问到梅妈是否已原谅他？他说：“老人家朝早闹完，下午就冇事。（梅妈有冇话你唔告电影公司就原谅你？ ）官司可以慢慢倾，等佢出院先，依家疫情咁严重。”
冇收到梅妈每月2万家用
另外，梅启明认为没有收到梅妈给予的每月2万元家用，也是姪仔背后操纵，问到为何觉得是姪仔操控？他说：“过年阿妈每年都会畀利是，但今年冇，姪仔成日同佢女友喺医院出入，但我就入唔到医院探阿妈。（新年后一直冇见过梅妈？）冇，只系电话联络，佢话要打第一针，有啲惊。（你有冇同梅妈倾钱？）冇，等佢出嚟先，要揪出幕后黑手。（会唔会去医院探佢？）佢打完针唔系咁舒服，畀佢休息吓。”
他称已要求医院提供出入纪录：“医院话要等上边批，如果佢畀唔到我，我会投诉同诉讼。”
