极速瘦20磅 郑欣宜“盲抢炎”下买唔到嘢食
歌手郑欣宜在尖沙咀出席概念店活动活动。欣宜表示在疫情下感恩一直保持有工作，多出的时间更可以录歌、拍MV，讲到所属的唱片公司有人中招？她说：“暂时Ok，公司严格规定我哋只系可以接触我哋Team人，我哋每日都会做快速测试，最担心系我戴唔到口罩，会影响到人，自己都惊㗎。”
独居的欣宜被问到可要抢粮？她笑说：“依家进行紧生酮饮食，自己好锺意食汤面，但系就买唔到蒟蒻面，惟有食其他。”欣宜明显清减不少，原来由年尾开始减磅，已经减了20磅，但不会为自己定下目标，希望健康、舒服去减。她又透露近期就算不用工作在家，也会化妆、扮靓、衬衫保持好心情，她说：“个人会开心啲，似番个人，成个人嘅感觉会唔同晒。”
讲到欣宜与Anson Lo将举行的音乐会已经开始换飞，但却未有开骚日期，她说：“呢方面就唔清楚，因为我系负责表演，应该系疫情场地问题，会喺暑假之后举行。”欣宜期待演唱会举行，亦保持与“老公”Anson Lo联系？她笑说：“我好留意‘老公’，佢都好留意我，我哋经常喺社交平台Flirt大家，佢都有短讯叫我加油，好期待今次嘅合作。”
