一大三细！陈茵媺全家挑战视像跆拳道考试晋级
视帝陈豪同前港姐冠军老婆陈茵媺育有一女两子，近月因为疫情严重，陈茵媺同3个小朋友几乎Lock Down喺南湾嘉麟阁嘅2,200呎豪宅，原来留家都有留家嘅好，好似佢嘅5岁细女Camilla咁，话咁快就成功通过跆拳道考试，唔再系“BB班”换上黄色腰带，而妈咪更加带领3位小朋友，成日喺屋企练跆拳道，更进行视像跆拳道考试，成功通过考试晋级，非常有恒心。
当中网友亦留意到佢哋个超大客厅，豪宅装潢以白色为主调，客厅摆放咗大型白色梳化，推埋一边就可以轻易将大厅变成道场，难怪网友见到个巨厅就已经嗌晒羡慕。
