疫情隔离玩玩具 黄翠如晒老公萧正楠砌车相
疫情严峻，大部份人唔使开工都选择留喺屋企，长时间困喺屋企梗系要搵啲嘢玩吓解闷，艺人黄翠如就喺社交网贴咗两张佢老公萧正楠嘅相，留言写住：“家里多了无数玩具，我有一位，很懂得找快乐的家人⋯”相中阿萧好专注喺度砌遥控车，砌完就当然要飞番转啦，圈中好友黄长兴仲留言话要链番转添，而陈敏芝同陈自瑶就分别留言“这很重要”、“非常好”，赞阿萧识得搵乐趣。
网友就留言赞“专心嘅男人最charming”、“edwin哥哥认真的时候好型”，但亦有网友对阿萧嘅专注有唔同嘅见解，留言“你的家人长期都要chok住的吗？难道是家规？”相当搞笑。不过点都好，阿萧能够买到一屋都系玩具兼自私玩，其实都要多谢太太批准先得，网友就留言“过到关入到境比较重要”、“望住佢整你都可以望一日，好正嘅兴趣”赞黄翠如够大方喇，有网友就建议佢哋快啲生番个B，咪有得一齐玩啰。
