陈滢自嘲太肥难搵替身焗真打 蔡思贝坦言打到劲挫败
邵氏剧《飞虎3壮志英雄》演员陈滢、蔡思贝、姚子羚早前接受TVB娱乐新闻台节目《Star Talk》访问，与主持王镇泉大谈拍摄该剧的辛酸与趣事。剧中陈滢与黄宗泽有感情线，蔡思贝、姚子羚则与吴卓羲有感情线。陈滢透露原来已不是第一次与黄宗泽（Bosco）演情侣，她说：“冇咩人知，嗰时仲系超级新人，第二套戏就系同佢演情侣，相隔咁多年之后再同佢演情侣，感觉好唔一样，嗰阵真系好细个、好green，行位、灯光咩都唔知，依家有咗几年经验，等佢唔使觉得我仲𡃁妹仔咁！”
姚子羚与吴卓羲（Ron）对上一次合作是2005 年的《酒店风云》，加上2人本身老友鬼鬼，所以今次合作一点都不陌生，子羚说：“佢都冇乜点改变，当然有成熟咗啦，但佢都系大细路，好锺意整古造怪同万岁请大家食饭，同佢再合作有一份默契同开心。”子羚又笑言因为与Ron太老友关系，故拍感情戏时其实很辛苦。至于思贝谈到剧中多次请Ron食柠檬，她笑言其实有苦衷：“因为呢个女仔非常冇安全感，觉得Ron个角色吊儿郎当，要经过好多考验先觉得依赖得过，最后先接受佢。”
剧中枪战连场，陈滢透露事前还用了一整天学开枪：“比我想像中难，睇戏时觉得单手开枪好潇洒，但其实好难，因为支枪嘅扳机好硬，开枪唔眨眼又系非常之难。”陈滢又指因是第一次拍开枪戏，故不知道要戴耳塞自我保护，Bosco见状竟即场送赠她两个耳塞，获陈滢大赞好sweet：“佢准备咗啲肉色耳塞，因为冇咁易穿崩，嗰吓真系好sweet，所以平时点恰我都由佢啦！”思贝则笑言拍枪战拍到惯晒：“我自己就算戴咗耳塞，啲响声都系好入耳，会Feel 到耳膜有震动。”对思贝来说，最难忘是商场枪战场口：“因为喺室内，个回音好犀利，耳仔真系嗡嗡声，仲要个个四方八面咁开枪！”
谈到拍得最辛苦场口，陈滢指是潜入豪宅一幕，除了因为戏服非常性感，还因为很多动作场口都要亲自上阵，陈滢更暗踩自己偏肥：“我呢个身形得我自己有，因为通常替身都好瘦，所以唔得呀，好多动作自己做番！最深刻系要着住好高嘅高踭鞋，仲要好快咁跑两条街。大家都叫我唔好跌，如果扭亲就唔知点算，我惟有搏老命咁跑得好快，好彩最后冇扭亲，真系好唔容易！”
身为“视后”的思贝则坦言拍摄动作场面让她感到挫败：“佢哋要求我做得乾净利落，但我每日都觉得好惭愧，觉得自己做得唔好、做唔到。”不过由于有很好的拍摄团队支援，令思贝留下不少难忘拍摄回忆：“好似商场场戏，要短跑100米冲过去，之后要打觔斗，再起番身对住上面射枪，个摄影师系揸住部摄录机陪我跑，好好玩成件事，好似打机咁！”
子羚则对绑架戏最难忘，谈到Ron在剧中英雄救美，她说：“子乐（吴卓羲饰演角色）喺套剧入面系正嘅！”另谈到与郭晋安继《与敌同行》后再续兄妹情，子羚笑言：“隔咗咁多年之后，我见到佢都系叫阿哥，到依家再合作番，变得更加亲切，真系好似我哥哥咁。”
