大只型男陪出入 佘诗曼返港孝心照顾妈咪三餐
视后佘诗曼单身多年，唔少粉丝都为佢嘅终生大事而着急，曾表示独爱有才华、又能令佢仰慕嘅男士，不过佢就唔会为结婚而结婚，目标清晰。出名系圈中孝顺女嘅佢，近日有指曾经历大病嘅佘妈妈身体抱恙，不时现身中环一间专科诊所，并接受检查，而本身正拍摄内地新剧《今天的她们》嘅佘诗曼，亦立即放下内地工作，扑返港照顾妈咪，非常廿四孝。
不过原来佢今次返港并唔系一个人过，消息指佢身边出现一位年约40岁嘅大只型男，多次做司机管女神接送外，仲会陪伴畲诗曼贴身服侍佘妈妈，更一行三人现身西贡市中心，选购有机蔬果又买靓鱼，似系由畲诗曼亲自下厨，悉心照料妈咪三餐饮食，侍母至孝。
买完餸之后，型男就继续揸车直驶去佘诗曼西贡寓所开餐。东网联络上佘诗曼，她否认该大只男是男友，并谓：“我阿哥嚟。（亲阿哥？）系，同妈咪Body Check。”
