余子明年初曾中风瘫痪 现身新剧即开社交网报平安
ViuTV新剧《940920》前日（7日）首播，当中就见到离开无綫嘅资深艺人、现年78岁嘅余子明现身，见佢扮演女主角“林楚凝”蔡思韵嘅认知障碍症，虽然剧集系由去年11月拍摄，到今年先见街，更爆出原来播出前，余子明喺今年初曾中风入院，左边身暂时瘫痪。
今年一月时，余子明于家中突然跌倒，家人察觉有异样即将佢送院，后证实患上缺血性中风。中风后佢左边身暂时瘫痪，留院10日就返回家中休养，暂时佢仍需要坐轮椅，并由家人照顾，幸好日渐有进展，刷牙、洗面、进食都可以自行处理。
而佢大仔应《9》剧组要求，开设社交网帐户，连日贴出剧照及新相，当中就见到余子明手执马报，眼仔睩睩，并由仔仔代为留言报平安：“😭😭😭…多谢大家嘅留言鼓励，我会努力康复，希望快啲好番再拍剧畀大家睇。”当阿仔问到佢要唔要睇《9》剧时，余子明竟抵死回应：“等阵先，我想睇马报先。”精神十足！
