陈豪降低戒备！孖陈茵媺出巡　山边…

陈豪降低戒备！孖陈茵媺出巡　山边除罩影靓相

家有前港姐冠军娇妻陈茵媺同3名子女嘅陈豪，因一直要开工，故喺疫情下罩不离口，即使喺屋企都照戴两个口罩，连瞓觉都一样戴住！不过呢两日疫情渐渐缓和，唔知系咪因为咁，“防疫达人”陈豪都放下戒备。

呢日佢就同老婆孖住出巡去买餸，仲一买就买足两个钟，仔女都唔凑，专心拍拖。见陈茵媺同陈豪沿山路行去超市，去到近山腰时，扮到靓靓嘅陈茵媺就忍唔住叫老公揸机，佢自己就趁机除罩露出靓样留倩影，不过佢哋一上到车都戴番好个口罩，系饮珍珠奶茶同食嘢时先再次拉低口罩啫。