炎明熹做怪力少女 叫网友睇足3分钟徒手撕胶
“声梦小花”炎明熹早前主演嘅TVB剧集《青春本我》推出剧集原创歌曲，依家都嚟到第二版面世，炎明熹就亲自为大家开箱，睇吓今次个Version有咩唔同。佢以一身居家素颜Look示人，后生女唔怕真面目曝光，佢仲自称系“怪力少女”，因为佢坚持徒手唔用任何工具下，拆开保护CD嘅透明胶面，最后佢用咗足足3分钟先开到，仲卖口乖话呢片胶面嘅好处就系防止好似佢咁多手汗嘅人整湿CD封套。
而今次第二版CD就有《声梦》学员嘅剧照及剧中学生证，等佢赞完每位学员之后，佢就笑自己用拳头遮掩半边面个喊样，又自嘲明显有好多手毛，叫大家当睇唔到，咁精灵可爱，唔怪得深受粉丝爱戴。
