《东张》女神｜梁敏巧深夜遇变态佬尾随返家爆喊：小腿畀嘢射湿咗
前港姐梁敏巧（Maggie）依家升呢做《东张西望》新咪神，衣着打扮都即刻Sharp醒晒，社交网更加时时派军粮，紧身衫、Sports Top少不了，唔知系咪打扮索咗，竟惹嚟变态佬骚扰！
佢今日（16日）凌晨喺社交网发文，指自己深夜收工返屋企时，竟疑似遇上变态佬“射湿”玉腿：“凌晨1点几2点放工，夜晚行返屋企楼下，行楼梯个阵冇啦啦Feel到右小腿畀嘢射一射然后湿咗。个心离一离睇吓我系咪踩水凼中雀屎，但又冇喎。”佢续指自己原来被一名男子尾随，佢一转身，对方即刻跑走：“当刻觉得好恶心到忍唔住流咗眼泪，即刻搵纸巾抹。”
直认当时条街得自己一个嘅佢，指当时真系好惊，所以佢都唔敢追上前，惊对方再做变态行为，而佢又唔知脚上系咩液体，即刻拎湿纸巾同火酒清洁，抹抹吓佢又惊又担心，忍唔住喊出嚟。佢又透露原来儿时都曾遇过变态佬偷拍，直言后悔当时冇报警署理，好在佢身边朋友仔买防狼器同防狼喷雾畀佢，等佢入夜收工都有嘢傍身。
梁敏巧接受东网电话访问，对于被特湿一事仍犹有馀悸：“因为呢排《东张西望》有啲夜市专题，所以我先收咁夜，而嗰条路仔好短，冇谂过会出事，今晚我同样会夜收，考虑紧叫成crew同事或搵朋友帮吓手接送。其实我都几易惹到呢类人，试过遇到露体狂、喺港铁被偷拍，甚至依家喺社交平台私信啲三级相畀我，都后悔当时就应该报警，将佢哋绳之以法。依家我都谂紧系咪需要报警备案，同埋会去买个防狼器防吓身。”
