自认系黐身男友 许俊豪获黄宗泽提携赠对白
现年31岁的艺人许俊豪（Lincoln）早前凭《爱上我的衰神》的演出而崭露头角，事后接受访问他坦言希望早日能跃登剧集男主角之列，亦以此为奋斗目标。原来早于10年前，他已是“香港电视”艺人训练班学员，奈何最终未能开台，未能成就他当演员的抱负。
这段日子期间他曾以“天堂鸟”队员身份转战乐坛，却因与前经理人公司合约问题，搞到事业停滞不前，他更直认当时因艺人身份，拍拖亦要收收埋埋：“担心如果公开咗，粉丝唔知会点谂，而且当时受情绪影响兼唔识得点处理，又觉得自己事业唔稳定畀唔到安全感对方。依家个人成熟咗，觉得只要有能力，公开根本唔系问题。”
他坦言《爱》剧出街后，观众即时“入血”，身边有朋友搞笑指不会让女儿跟冷血的他（其角色相当凶残）拍拖，令Lincoln哭笑不得，再三为自己澄清说：“我有拖拍会好体贴㗎，系有情饮水饱嗰种，为咗陪女友，可以完全唔陪班老死，搞到畀人话‘有异情冇人性’。”
而早前他伙拍黄宗泽拍摄剧集《法政先锋V》，坦言感激对方多番提携﹕“我哋演一Team法政人员，佢觉得对白唔可以净系自己讲晒，所以会主动分畀我哋讲。早排我喺社交网上载咗相关嘅造型照，今次负责演好正面嘅角色，点知班粉丝依然心存怀疑，纷纷留言：‘你背后一定有啲嘢嘅’。”
如今“天堂鸟”三子已飞道扬镳，Lincoln表示友情始终不变：“我哋有彼此讲过，只要边个有能力，就负责帮助大家。唔知呢，可能不久嘅将来，我哋会有机会重聚同表演。虽然Tyrese退出咗，但我希望Gordon嚟紧演艺事业会有更好嘅发展。”
Credit：
场地提共﹕感恩制作
