黄宗泽冇机会！周秀娜只吼靓仔 揭晓猛男新欢身份
艺人周秀娜（Chrissie）与黄宗泽（Bosco）及朱鉴然，日前为梁家树监制剧集《叠影狙击》开工，Chrissie谈到早前被拍得与大只猛男亲密行街一事：“嗰个系我造型师！识咗好耐，成日一齐行街。（依家感情空白？同Bosco咁熟，会唔会谂吓？）做戏嘅时候唔会谂呢啲嘢，咁迟啲唔知嘅，依家做朋友几好吖！（符唔符合你要求？）我哋太熟啦，可以发展成情侣嘅嘢基本上喺戏入面都拍晒，佢会闷㗎！”
她大赞Bosco为人幽默，与他合作令人放松又放心，唯一缺点就是太靓仔，不过她是“外貌协会会员”，所以绝不介意！靓仔自然多桃花，问Chrissie会否担心？她笑说：“唔会喎！我超级肤浅，同埋花心唔系靓仔专利，咁梗系搵个靓仔啲啦！其实两个人一齐系讲信任嘛，如果因为靓仔而唔信佢，咁好唔公平，信任同沟通紧要啲。（有乜择偶条件？）最重要外貌、开心同夹唔夹，同埋要过到我爸爸嗰关先，佢要求好高，要好似佢咁孝顺、锡屋企人同有事业先得。”
靠老友做媒人
Bosco与Chrissie老友鬼鬼，问到会否考虑发展？他竟笑称未有当对方是女性：“佢系好多男人心目中嘅女神，但喺我心目中系男神，哈哈！佢个人好豪爽冇乜所谓，唔系嗰啲小公主咁。（你身边有呢类朋友？）小公主我唔会同佢做朋友啦，我顶唔顺呢啲。（咁你嘅择偶条件系咩？）最紧要过到我妈咪同朋友嗰关，因为我见朋友仲多过见阿妈，佢哋成日都话介绍女仔我识，不过疫情冇得见咋嘛！”
