陈凯琳卸妆公开素颜 留长头发有原因
前港姐冠军陈凯琳（Grace）同郑嘉颖结婚之后，生咗2个儿子，不过佢嘅身材并冇走样，保养得相当好，被封为圈中靓妈！
佢今日（26日）公开自己素颜，喺社交网咗条卸妆片，睇到佢卸妆之后个样都系同化咗妆差唔多，皮肤望落冇瑕疵，系个黑眼圈深咗少少咋，唔讲都唔知佢卸咗妆呀！唔少网民都表示好惊讶，大赞平日又要开工又要凑仔嘅佢，依然Keep得咁好，果然系女神！
有网民就错重点话佢头发留到咁长都唔剪，佢就回应话：“haha i want to be like rapunzel princess（哈哈！我想成为长发公主）”唔怪之得佢要留咁长头发啦！
