轰锺培生父子有古怪要求 袁嘉敏速逃香港
港姐出身、曾露点拍三级片嘅艺人袁嘉敏，佢寻日（1日）突然公开怒斥百亿富三代锺培生及锺父有“古怪要求”，仲话跟锺家交往一年并感谢日供三餐，虽然未有说明有何恩怨情仇，耐人寻味！到咗今日（2日）朝早，佢就再次上载新限时动态，指自己即将离开香港，更表明系搭长途机：“Leaving HK soon, preparing for my long-haul flight in 2.5 years.（好快会离开香港，准备迎接相隔2.5年后嘅长途机。）”但就未有再提及锺氏父子。
稍后佢再晒出两张风景照，直指自己会飞法国避世，因为佢近日瞓得唔好，想去到外国放松心情，更挣扎紧应该飞去巴黎定系直接飞乡郊地方。同时佢亦提到自己将会离港两个月，对于“事件”就唔想再多讲，因为件事好复杂同好伤感。
此发文一出，即令人联想到佢系咪想远离香港呢个“是非地”，仲决心飞得有咁远得咁远，急急“逃走”。东网今日联络上袁嘉敏，问及佢未来有咩工作，佢就以“画廊”二字回应，似指自己会继续其画廊工作，问到为何离港，佢仅指：“瞓得麻麻，飞吓。”。
