发现李施嬅大细眼 陈山聪：一度以为佢整容
艺人李施嬅因免疫系统出问题影响视力，近日无奈宣布停工，虽然未能于新剧《金宵大厦2》宣传现真身，但也有透过视像谈病况，表示现时康复进度理想，除了进行了几星期治疗，还有进食营养保充剂，基于身体抵抗力弱，医生建议尽量不要外出，问到何时“出关”？她说：“除非停咗类固醇就可以，我都希望尽快停，医生叫食几个月，但如果停咗呢就可以赶得切呢套剧尾声出嚟宣传。”
她透露去年10月底发现身体不适，还出现大细眼，之后与陈山聪等朋友饭敍，当时不以为意，事后才发现免疫系统有问题，问到未婚夫是否负责做家务及照顾她？她笑言：“又唔可以咁恰人，佢有教我做运动，因为类固醇会令到啲骨脆弱，导致骨质疏松。（有冇担心睇唔到嘢？）我担心开唔到工多啲，因为冇工作个天好似冧咗落嚟，好辛苦，对眼好番可以工作，半年冇做嘢冇搵钱，个人都冇乜动力。”
以为李施嬅整容
山聪就话当时于饭局上，已发现施嬅大细眼，一度还以为对方整容：“以为佢割双眼皮，当时有少少大细眼，平时佢好精灵，但佢一直冇讲，直至最近套剧宣传，佢就话唔舒服出唔到嚟，我先知。（有冇以为佢大肚？）唔会，佢好直接讲畀大家听咩事，令大家唔好有猜测。”
