林作为500蚊出卖朋友 袁嘉敏嬲爆：这男人真悲哀
一向口没遮拦的林作最近不停于“锺袁大战”中抽水，估不到今日将事件“抽”到极致！他于社交网指昨晚（2日）与袁嘉敏取得联络，并呼吁：“本人已和飞离香港的袁小姐取得联系。欲知对话内容，请DM本人。位位5旧（500港元）。”此举当然被不少网民闹爆，但神奇地亦有不少网民“帮衬”满足好奇心，林作亦话自己收钱收到手软，并指香港人真有钱。
有网民看了箇中内容，原来只是闲话几句，登时“着灯”遂大爆当中内容：
林作：lol
袁嘉敏：咦！阿作听记者说你有些comment
林作：Nal no comment at all
林作：Coz I hv no idea
袁嘉敏：好的
袁嘉敏：谢谢你啊
林作：Take care dear,sorry to hear about all this.
袁嘉敏：始终当时我一有拳赛的门票都立即交给你，让你朋友可以入场支持你啊
袁嘉敏：Goodnight
袁嘉敏得知此事大感愤怒，直指五百蚊可以让大家看到林作出卖朋友，她指林作并非等钱使，此举根本纯粹出卖朋友，令人生气，并指男人做到这样，真的很悲哀。
东网联络上林作，对于激嬲袁嘉敏，他说：“梗系冇出卖啦，第一，有人话放料，放料嗰个我系识嘅，边有畀陌生人？第二，出卖嘅定义系有料先得，我只系同佢讲保重、Goodnight、Byebye、Hello，就话叫有料出卖，黐线！我同袁小姐冇倾过任何有关私人情况，我问都冇问过，所以我根本都冇料出卖，我开吓玩笑，大家冇当真就唔需要嬲嘅。”又指袁嘉敏亦清楚此事，觉得只是有传媒炒作。
问可觉得自己冇玩大咗？他认为自己冇错：“根本系冇觉得生有，我都冇佢料，我都冇问佢发生乜事，问都都问，知都唔知，依家个指控似入咗间铺头吸咗啲空气，就话我偷咗啲空气，话我系偷嘢，咁系咪搵嚟搞。”再强调其玩笑没有收到任何利益，亦不会贪500蚊，因为：“小弟都搵唔少，任何话题都可以攞嚟搞吓笑，唔识欣赏幽默唔紧要，但唔好真嬲，嬲喺啲玩笑度系咪无聊？”可会向袁嘉敏致歉，他就话绝对唔会：“冇理由为自己开玩笑而道歉，同埋我想袁小姐要澄清番同我对话冇任何出卖嘅成分，我系清白，不知内情亦冇参与，讲到我知内情咁，我颇为担忧。”
