金宵大厦2｜监製叶镇辉亲解观众迷思 伍咏薇揭因上集好睇自荐
由叶镇辉监製、罗佩清担任编审的《金宵大厦 2》，主要演员有陈山聪、李施嬅、张彦博、伍咏薇等，并逢周一至周五晚九点半翡翠台播映。
由伍咏薇及苏皓儿（Chloe）主演的单元《双鱼》昨晚（7/4）播出结局篇，伍姑娘饰演的母亲芬姐，因有感女儿「有毛有翼识飞」，遂与 Chloe 饰演的女儿渺渺展开激烈争吵，更用水狂淋渺渺！不甘被控的渺渺夺门离家出走；此时金宵大厦发生异象，芬姐回到女儿受伤当日，原来用镪水意外淋到渺渺的是芬姐本人，单位内的离奇双鱼状黑印、正是当年渺渺印在牆上的血手印，相当震撼。回复记忆的芬姐大感后悔，开 Live 道歉兼四出寻女；另一边厢「闯荡江湖」的渺渺因样貌问题遭受歧视，被乞丐邀请加入「贩卖惨情」集团之馀，更一度因被误认露宿者获赠「施比受更有福」饭盒，想不到这个饭盒却成了故事的终极扭转位。
几经折腾，两母女最终在十字路口相遇，芬姐苦求女儿回家不果，为将自由送回给女儿，竟闭眼衝出马路企图自杀，最终被车撞到致终身残废。由被照顾者变成照顾者的渺渺，全程享受控制权，并反利用伤残的母亲作「卖惨」筹码；像年幼时一样铁了心的渺渺更似笑非笑向芬姐「示威」：「我唔係为咗你先上电视（卖惨）架，係我谂通咗喇，施比受更为有福。如果冇咗我哋呢啲不幸嘅人做比较，其他人又点会感受到自己嘅幸福喎」。在卖惨节目中高唱温情歌曲的渺渺，配以温馨及虐待交错的母女今昔相处画面，以及伍姑娘看似幸福安慰、但又夹杂痛苦无奈及默默承受的表情，结局相当闇黑！
其实昨晚剧情反转位岂止 Ending，当日被淋镪水重伤醒来的渺渺，提出会让父亲「得到应有嘅惩罚」，虽然没有邪恶的表情，但已令网民大感意外及心寒，并认为为结局的扭转位作出铺陈。
亦有眼利网民发现剧中多次出现的「双鱼」图案（牆壁、家中装饰、母女间「爱」的信物），芬姐向年幼渺渺诉说的神话故事，均在强调芬姐与渺渺的羁绊，大讚製作单位铺排有心思。但由于剧集细节位多，兼信息表达来得内歛，网民对剧集结局持分歧看法，有人认为是大团圆，亦有人认为终极黑化的 Chloe 是全心向母亲报复，并普遍出现以下三大谜思：
1. 伍姑娘最后係扮内疚定真心悔改？
2. 渺渺係咪黑化咗？
3. 最后首歌咩意思？
对于剧迷现疑团，监製叶镇辉（阿细）受访时逐一解画剧集箇中 Tricky 位：「首先，芬姐係真心爱个女，亦都知错，奈何个女已经『成长』变成另一个佢。残废后嘅芬姐要依赖个女生活，亦都甘愿接受畀阿女控制返转头。至于渺渺就一定係黑化咗嘅，好多人觉得点解渺渺唔虐待番芬姐，係咪去得唔够尽，事实係渺渺都唔可以冇咗芬姐，佢冇办法自己一个生活，佢其实都係爱芬姐嘅。两母女就係咁继续『相爱相害』，就算大家之间有好多恩怨，都因为呢种关係被迫绑埋一齐。现实生活好多母女都可能係咁，冇办法摆脱大家，但相处每分每秒都係折磨，其实呢种关係都几悲情，只要这世界、还存在戴有有色眼镜的人、他们又可以做到几多去改变？」
至于剧集尾段出现的「温情歌」，监製咁样讲：「有观众听到首歌以为係大团圆，其实睇真 D，渺渺唱紧首歌嗰阵，脑入面嘅画面都係芬姐点虐待佢，佢其实完全冇原谅芬姐。呢度可以话係『戏中戏』，佢唔单止成为咗自己讨厌嘅人，仲要做得比阿妈更尽更好，甚至连真实观众都要呃埋。」阿细更提示剧迷留意渺渺两句对白：「第一係『施比受更为有福』，除咗呼应番卖惨对施恩嘅人嘅意义，亦都想表达阿妈一直照顾阿女『更为有福』；依家二人关係逆转，渺渺成为照顾者，所以就『有福』了。另一句係『我哋都做咗选择』，阿女由拣咗举报阿爸开始，就选择咗要跟阿妈，所以佢冇资格去怨。同样阿妈选择咗牺牲自己俾车撞去换个女返嚟，佢都冇资格去怨。」
昨晚陈山聪、李施嬅、伍咏薇及 Chloe 分别在 IG Live，获讚好戏的伍姑娘不断多谢剧迷支持外，坦言芬姐最后所受的报应令单元故事性更强：「阿女最尾变咗我咁，其实係我报应嚟架！我爱佢变成害佢，呢个结局真係意想不到。」而首度遇上如此高难度角色的Chloe，则坦言有压力：「都真係好难演，个角色好难演，好多内心嘢。」
幸好 Chloe 的内心戏有受到支持及认同，有网民讚她的演绎似笑非笑，并指「睇唔出底牌先至最耐人寻味」。已多年没有在 TVB 剧集露面的伍姑娘，早前接受TVB娱乐新闻台《Star Talk》专访时，坦承是自己向监製自荐，十分搞笑爽朗：「《金宵》好睇吖嘛，喺 TVB 平台有咁嘅戏种好得意，我见到监製就话如果《金宵 2》开，有角色啱我我都愿意尝试吓。点知佢真係搵我，我只係听咗个故仔，已经觉得好好听。」
