5年前冇罩生活 谭俊彦杜大伟清装乱入叹咖啡
凭《爱．回家之开心速递》饰演“Peter”一角成功入屋的杜大伟，寻晚（7日）忽然晒出一张冇戴口罩坐Coffee Shop门口嘅相，当中仲见到出炉影帝谭俊彦，加埋戴耀明，3人一枱叹咖啡，即刻搞到网友担心佢哋系咪违返2人一枱禁令！
原来张相系5年前影嘅，3人当时喺内地横店拍剧，齐齐喺Break Time以清装上阵Tea一Tea，不过奇怪在佢哋身边路人都未有注意佢哋，明明清装叹咖啡咁奇特都冇人理，不过张相就影到好有穿越Feel，唔怪得网友睇到都即时畀Like。杜大伟留言自爆甫旧相：“五年前嘅今日，写意的冇口罩生活～#20170407 #当年今日 #清装叹咖啡有得谂”。而按众人一身打扮，似乎系拍摄2018年播出嘅无綫剧集《天命》。
