胡定欣搭渡海小轮睇日落 网友赞亲民：希望撞到你！
艺人胡定欣（Nancy）除咗锺意跑步，原来仲锺意游船河。近日佢就喺社交网拍片，分享自己搭渡海小轮嘅片段，心情好似唔错。佢喺贴文写到：“真系耐到唔记得对上一次搭船系几时！搭船真好，风景又靓，船费又平，又快！开心！去开工lu！”
隔咗一阵，定欣又拍多一条回程片，见佢坐喺船上，好安静咁欣赏沿途黄昏靓景，仲对住镜头会心微笑，真系电死人啦！而定欣亦写到：“满满回忆，有冇朋友现在每天都会坐渡海小轮来回香港九龙？”唔少网民都大赞定欣够亲民，仲话希望下次搭船可以撞到佢呀！
