继续唔讲仔定女 钟嘉欣自爆佗B唔系意外：好感恩
38岁嘅艺人锺嘉欣寻日（10日）高调宣布怀第3胎BB，对胎儿性别有保留嘅佢，今日（11日）再亲自同大家讲多谢，仲自爆今次怀孕都系计划之中，仲话一对仔女都好期待做哥哥姐姐：“多谢大家送畀我嘅生日祝贺，同埋对我屋企人嘅祝福。我哋依家好开心，我就好好咁安胎，Kelly（大女）同Jared（二仔）都好兴奋去做大姐姐、大哥哥，我老公都好开心！其实我哋都一直考虑会唔会为屋企加多个成员，好感恩，上天再赐一个Baby去我哋Family里面。希望大家都健健康康，好好保重，希望好快再见到大家。”
