麦明诗不认同涂黑皮肤演菲佣惹攻击 自爆英国读书遭歧视经历
TVB剧集《金宵大厦2》其中单元故事「姐姐」，因演员黄婉华涂黑皮肤饰演菲籍外佣Louisa被指涉歧视及侮辱，事件受注目，被国际传媒狠批，无綫回应绝无意不尊重或歧视任何国籍，并向可能受影响人士致歉。
今日《金宵2》第7、8集的「姐姐」仍未在myTV SUPER重新上架，有关争议也未止，黄婉华的个人社交平台有网民留负面评论，另一战线是已转行投身法律工作的十优前港姐冠军麦明诗，她在社交平台表达感受：「香港如果能够畀多啲机会少数族裔演出，represent番自己种族，而唔係由另一个种族去represent，唔係更好咩？」引来不同意见的网民围攻，有人以她在《杀手》中演失明人士的剧照反击，问她是否歧视失明人士？连登讨论区有网民斥麦明诗「左胶」、「伪善」，亦有指麦明诗在剑桥读法律但得2:2（二级乙等荣誉毕业），质疑她的成绩。
麦明诗留意到连登讨论区有网民对她的批评，在Instagram的限时动态直接回应质疑她在剑桥成绩的网民，公开成绩单，获二级甲等荣誉成绩，她写道：「多年嚟好多ching（师兄）都好替我担心我大学成绩，各位ching千祈唔好替我担心，唔高分，不过平稳。」
今晚麦明诗再撰长文解释自己的观点，她在英国读书遭歧视的经历，被模仿口音，甚至有人在她面前除裤问：「见过咁大未？」麦明诗写道：「姐（即）係如果对自己有利嘅时候希望得到别人基于『包容大爱』等左翼理念俾嘅对待及支持（如：低门槛移民政策、移英后即可享有工作权利、房东唔会因为你係黄皮肤唔租楼俾你、同事同你倾计唔会特等模仿你啲hk accent，问你食唔食狗肉、希望自己仔女喺学校可以完全融入）。咁我觉得喺对自己冇利嘅情况都可以儘量体谅『左胶』嘅观点。」
「我价值观係偏左，姐（即）係有啲人口中嘅『左胶』。其实每人都可以选择自己嘅立场同价值观，我对件事有感觉係因为我嘅个人经历，如喺英国读书时係有受过microaggression（微歧视），如白人同学模仿accent嘅嘲笑，当众除裤问你见过咁大未（当然大部分同学超好超nice），明白係人性并接受但係觉得如果冇就更好囉，所以喺香港变番做『大多数』嘅时候，会对其他地方嚟嘅人都比较sensitive，係，係宁愿矫枉过正，呢个係我立场，不喜可以继续插。而且唔同人有唔同经历因此有唔同嘅睇法，也是非常理解的，有啲人超有自信觉得被人串被人笑佢都好喜欢咁都唔出奇。」
她又说：「喂好似wor（喎），咁我地嘅角度紧係觉得似啦，因为我哋係用紧我地嘅角度去判断；正如以前啲西人扮中国人佢地都觉得似架，中国人唔係咁架咩？问题係我地望住个西人扮中国人，涂黄自己皮肤，再讲chinese accent嘅英文，我地觉得似唔似呢？我哋欣唔欣赏呢？跟住啲报纸标题话，『以为演员真係Chinese helper！原来卸妆后係超索白人美女』顺带一提，我都唔係第一次讲偏左嘅观点，每次都畀人问候架啦，难道我唔知有唔少人憎『左胶』胜于一切。但係我发觉如果我淨係喺幕前嘅话（单一收入源），我会唔敢讲我想讲嘅嘢，冇必要无啦啦乞人憎讲真，如果一个人讲嘅嘢个个都同意，就冇必要讲啦。」
