男亲女爱｜前无綫编审鲍伟聪当年为洩愤而写 讽刺製作部女权至上
由黄子华与郑裕玲主演，TVB于2000年首播的剧集《男亲女爱》深受观众喜爱，当年两人一幕「世纪之吻」，更突破50点最高收视纪录，亦成了TVB经典剧集之一。该剧的编审鲍伟聪在TVB任职期间创作过不少人气作品，包括《公司三汶治》、《一号皇庭》系列、《笑看风云》、《天地豪情》、《宠物情缘》、《男亲女爱》、《皆大欢喜》、《珠光宝气》等等，可谓套套都是经典佳作。鲍伟聪年前已离巢无綫，去年8月开始主持网上节目《聪心直说》。
日前鲍伟聪在该节目中透露，当年写《男亲女爱》是为了讽刺无綫而撰写一场性别战争，他说：「我离开咗TVB咁耐，或者在位嘅人都已经退咗休，所以我都唔怕讲，我製作《男亲女爱》嘅源起，其实我係洩愤，如果大家有留意，直至依家，TVB係一个女权至上嘅机构，掌握权力，或者掌握部门嘅生杀大权，到依家都係女人，虽然方逸华小姐已经不在，但大家谂吓，由方逸华去到下面嘅监製，好多都係由女性坐呢个位，所以有人开玩笑话，喺TVB做嘢嘅男人唔似男人，似咩呢？咁我唔方便讲啦，係古时宫庭入面常见嘅人物囉，你哋自己想像吓啦，我就唔似嗰啲人，所以我唔係捞得好掂，又升唔到职，但我身为编审就经历过晒呢啲嘢，所以我好自肥咁，将我曾经遇见过女上司嘅一啲唔合理、变态、搬龙门、自打嘴巴呢啲细节，全部放喺郑裕玲角色『Miss Mo』入面，其实我係一种发洩，当然我用一种喜剧手法去表达出嚟，被丑化嘅人当然唔知我喺度丑化紧佢啦，又或者笑紧佢。」
鲍伟聪又解构黄子华在剧中的角色，表示该角色其实就是当时TVB製作部所有男同事的缩影。他说：「『Miss Mo』係都市女性、女强人，要配一个带点粗鄙、下流、有高工作能力嘅小人物先至有衝击，我係将男同事嘅素质放入去，大家可以想像喺1999年创作《男亲女爱》嘅时候，我只係将TVB製作部浓缩咗落去呢套剧入面，呢套戏係自嘲，或者嘲笑人哋嘅行为，所以点解一出嚟就有人有共鸣，我相信香港工作环境，女人真係几恶、几巴闭。」
