谢月美设灵︱圈中好友凭吊 张继聪：佢好照顾后辈
资深演员及配音员谢月美（May姐）上月25日离世，终年74岁，昨天（16日）假香港殡仪馆举行丧礼，采佛教仪式进行，艺人安德尊、李司棋、赵希洛与母亲梁小玲、张锦程、张继聪、关宝慧、阮德锵、陈安莹等亦先后抵达灵堂送别好友。王祖蓝夫妇亦送花牌致哀。
张继聪坦言May姐对他照顾有加，就如母亲一样：“未入行做歌手已经识佢，佢好照顾后辈，会鼓励同畀好多机会我哋，大约20年前同祖蓝（王祖蓝）啱啱喺演艺毕业，嗰阵都未有事业，佢就畀机会我哋跟佢配音，到后来我有机会拍剧，同佢饮茶嗰阵佢会好开心同埋畀意见我，佢喺我心目中就好似阿妈一样。”
他指知到对方有病，最后一次见面为2年前的一次圣诞聚会，他续説：“佢之前有打电话畀我，嗰阵仲以为佢病情有好转，对佢离开真系好难过，但都好戥佢开心，因为佢行咗一个好精彩嘅人生，同埋留低咗好多嘢影响后辈。”他表示很感谢对方家人，于对方临终前替他转达了自己心底的一番话及对她的爱。
安德尊接受访问时表示：“好沉重，唔识点讲，同May姐识咗好多年，近10几年开始合作舞台剧，最后合作系几年前。（知唔知佢病？）知，但疫情都唔敢见，有咩事担当唔起。（打电话问候？）人哋已经病紧，唔想成日打扰佢，May姐成日都话等佢休养好就出嚟见面，结果等到佢走咗。”
治丧委员会特别制作电子纪念册供亲友回顾谢月美的生前点滴，除了谢月美儿女、亲人外，不少圈中好友亦有在纪念册中留言，其中，李司棋便指自己曾目睹对方背负着很多重担，十分心痛，更大赞她是“铁娘子”，更大赞她的奋斗故事可媲美《阿信的故事》，令她钦敬！而经典动画《麦唛》作者麦家碧亦有献上插画并写道：“感谢May姐指导。”
