几辛苦都挨过！JW夺人“珍藏”成就解锁打孖上
歌手JW（王灏儿）加入星梦娱乐后，近期推出非剧集新歌《纳斯卡线》，自由度更大，自主为新歌创作“组队”，集齐梦寐以求的创作班底，她说：“《纳》系先搵Dear Jane结他手Howie作曲，第2个系搵合作开嘅监制周锡汉，透过监制搵黄伟文（Wyman）填词，Wyman又答应，成团真系好开心。Wyman袋住咗《纳》呢个概念好多年，听到个旋律觉得一拍即合，又Search过我大学读地埋，同纳斯卡线有啲联系喎，就决定写呢首歌畀我，真系好幸运！”
其实JW的新歌去年已经完成，留待今年配合其他新歌推出，加上主演的TVB古装剧《痞子殿下》有望今年出街，一气呵成。由唱歌到拍剧，她觉得两方面相辅相成，庆幸有勇气踏出舒适圈：“10年前冇谂过自己会拍剧，3、4年前学戏发现自己好锺意，于是踏出一步走出Comfort Zone尝试。”
“我都挨过！”
JW首部孭飞作就“打大佬”拍古装剧《痞》，她说：“拍嘅过程唔简单，系辛苦嘅，冇得瞓、厂景接外景、古装，夏天又热、又多蚊、衫又多、汗又多，但出嚟成功感好大，学到好多，好似打机‘升呢’咁，可以同人讲我都挨过！啲人都话之后冇嘢难到你，依家好有成功感，哈哈！”
