麦明诗10优高材生玩攻心计 旨呈谢皮话冇艳福
由黄德斌和麦明诗主演的AMM网剧《逐流时代》最近热播，歌手旨呈于剧中饰演德斌儿子，二人有多场火爆争吵戏，旨呈自言从德斌身上获益良多：“佢本人好亲切，但一埋位就入戏，我不停同自己讲唔可以有错。记得有场戏我NG咗好多次，之后就不敢怠慢，做足准备功夫，有德斌喺度会觉得好有力量，佢系一个好专业嘅演员，令到整个气氛都好有张力。”
谈到与3位女神麦明诗、锺浠文及张凯娸合作，旨呈否认艳福无边：“麦明诗系德斌嘅情人，对我只系攻心计，锺浠文对我几好，但后期就发现完全冇心动，仲会好惨，而我同张凯娸又冇亲密戏。”他反而难忘被黎纪君掌掴及用棍殴打：“佢系真打，仲畀佢打咗好多巴，本来佢想留力，但监制（戚其义）觉得唔似，叫佢用力，最后我块脸真系有少少肿。至于用棍殴打，其实唔系黎纪君落手，因为佢唔够胆打落嚟，系监制亲自打。”
谈到最难忘的一幕，旨呈表示是其中一场撞车戏：“嗰场戏系凌晨时份喺中环拍，讲我一边揸车一边好激动咁讲电话，黎纪君坐我隔篱，佢要同我抢軚盘，我又要揸车又要背对白，拍摄前好紧张，事前围读咗好多次，好在正式拍摄时好顺利，完全冇NG。”
