洪永城甜晒宝贝女得意相 卖口乖赞老婆贤良淑德
艺人洪永城（Tony）同老婆梁诺妍（Inez）自从荣升做爹哋妈咪后，成日都喺社交网同大家分享宝贝女（Amber）嘅得意相。而近日Tony就贴出老婆同囡囡嘅合照，仲口甜舌滑咁赞老婆话：“左边嗰个靓妹好多嗲喎，唔该你学吓右边嗰个贤良淑德、入得厨房、出得厅堂，句句真言嘅靓女啦。”真系非常Sweet，佢仲Hashtag“洪永城扮女仔”话阿女，认真搞笑。
而一班网民都纷纷留言话：“饼印爸爸”、“越大越似妈妈”、“超级可爱”、“好想抱下佢”，睇嚟大家都好锺意Amber。
