王敏奕曾国祥被传婚变 曾志伟开腔回应：离婚幸福咪由得佢哋离囉
王敏奕（Venus）与曾国祥在2019年于北海道举行婚礼，婚后二人一直表现得非常恩爱甜蜜。不过近日突然传出二人婚变，有指王敏奕将其IG上与曾国祥的合照全部删走，甚至乎连「纹身婚戒」亦都无得留低，婚变传言甚嚣尘上。
今日（26/4）王敏奕现身电视城出席TVB剧集《婚后事》造型记者会时，老爷曾志伟陪同在则，就婚变传闻作出回应。
曾志伟笑言：「话佢哋婚变，一听就知道係假啦。两日内话我坐轮椅，又话我个仔离婚，真係无得顶。大家咁关心我，但係全部都係假。唉，不过我哋做演艺界始终有人提，总好过冇人提。但呢件事始终都係传言，咁所以都係得啖笑啦。我有搵过我个仔，但佢又冇覆我。心谂早两日先同佢哋两个食过饭，冇理由咁快离婚㗎。（会唔会真係离咗婚，你唔知？）嗰日好似係，但后尾第二日结返，哈哈！（係唔係担心venus要回应，所以现身？）我唔担心，如果佢哋离婚係幸福嘅，咪有得佢哋离囉。不过有时啲嘢真係好好笑，我哋做呢行，如果样样嘢都紧张嘅话，就唔适合做呢行。」
对于删走IG所有同老公的合照，Venus就这样解释：「其实成件事都得啖笑，婚变係假。而手上纹身方面，係因为拍嘢嘅时候係要遮。而IG啲相係公司啲PR决定，要我整理一下。（为今次剧集宣传！）冇呀，绝对冇宣传成份喺裡面，同埋删相个件事喺3个月前已经做咗。不过裡面有啲珍宝嘅嘢係冇删走到嘅。」
