区永权生日 点解萧正楠要求吹蜡烛？
由萧正楠、伍仲衡（Harry）和区永权（Albert）主持的无綫综艺节目《总有歌声喺隔离》，一连三集已经播放完毕，节目推出后大获好评，日前他们再次约埋一齐开Live唱歌，Harry同萧正楠更准备了惊喜生日蛋糕送畀刚刚过了生日的Albert，但他吹完蜡烛后，萧正楠要求畀他吹多次，因为他上月23号生日时，遇上全城抗疫，冇人跟他庆祝生日，连太太黄翠如都不在香港，他说：“我嗰日自己一个喺屋企食即食面，咁多年从未试过过一个咁宁静的生日。”
这次Live，区永权更与伍仲衡尝试交换位置做琴手，Harry开心向Albert说：“我从未试过坐呢个唱歌位置，原来咁正咁好feel，咁你继续弹啦！你识得弹咩歌？”Albert笑言是《李香兰》，令到现场的众人捧腹大笑。这个Live引来很多“伍BUD区萧”的粉丝观看，更希望他们能够开实体show，Albert说：“我哋都好想快啲开到个实体show，即系话如果开到嘅话，疫情就应该好咗好多，我哋都好期待呀！”
