李施嬅爆大细眼极速好番之谜 未婚夫完全冇功劳
艺人李施嬅和陈山聪今日（27日）出席《金宵大厦2》宣传活动。谈到山聪已开始赚外快搵真银，施嬅大方表示：“佢搵住先啦，佢得闲请我食饭就得。其实我哋本来都有两个美国登台骚嘅，但担心疫情航班问题，所以最终都系唔敢博。（赚少好多喎？）唔好提，相信迟啲可以搵得番嘅。”
施嬅今日已不用戴上眼镜遮挡，“大细眼”已近痊愈，她开心表示：“医生帮我验完血，话我嘅指数跌得好快，人哋用成年嘅时间去医病，我两个月基本上都好得七七八八。（未婚夫照顾得你好好？）唔关事，我自己做好多嘢就真，好似食斋、心灵治疗及打坐等等，我谂再多一两个月会好番晒。（赶得切为丧尸片开工？）等我签咗约先再讲，嗰个相信都要去到年尾。（你未来大伯，带咗老爷同奶奶上林盛斌个节目喎。）系咩？系咪应该要睇番？大家开心就得啦。”
